梁司長話去帶隊去中山~
搞邊科?
食蘆兜糉?搵沙溪涼茶?
食石歧乳鴿?
都吾係,係嘆澳門咖啡~
喺中山嘆澳門咖啡咁噱頭?唔止,澳門人喺中山仲有創意新搞作,跟住黎,梁司長帶小編去8吓﹗
自從有咗城軌,小編愛上咗搭城軌喺珠三角搵食,去中山,只係30分鐘,話咁快就到。一出城軌中山北站,馬路對面,有隻曉爬樹的粉紅豬趴響樹上。
大家認住呢隻豬﹗呢度就係中山最大規模嘅文化創意基地:“中山760文化創意產業園”,昨天剛揭牌,澳門人的新蒲點760“澳門互動區”就喺基地入面啦。
760“澳門互動區”係咩黎?
佢係...
澳中致遠投資發展有限公司與中山柒陸零文化創意產業策劃服務有限公司合作設立的一站式青年創新創業平台~
亦係...
澳門和中山在粵澳合作框架下支持兩地青年發展的嶄新合作模式
同時係...
兩地共建“粵澳全面合作示範區”的首創性項目~
“中山760文化創意產業園”其實係間兩層高嘅舊厰房,園區內塗鴉處處,創意無限。
行上三樓...
就會見到760“澳門互動區”喺當眼位置~
面積約200平方米~
麻雀雖細,五臟俱全~
☑ 有20個共享工位、2間小型洽談室、1間可容納30人的多功能會議廳、100平方米的展示區;仲有辦公商務設備、WIFI等,一應俱備(設施採用預約方式,先到先得,大家味走雞);
☑ 仲會定期舉辦面向澳門中山青年創業合作的融資路演會、專家分享會、特色產品展、職業培訓等商務活動。
760“澳門互動區”
剛開張大吉,互動區已有10個團隊進駐,有做文創、互動多媒體,也有服裝設計、機電用品和技術採購、電子通訊、建築智慧技術、建築、設施管理等等,仲有目前最熱門的共用單車,仲有仲有,來自澳門的冰釀咖啡,葡式美食!冇吹水,以後真係可以去中山嘆澳門咖啡~
所謂路通財通,未來將有兩條重要通道令中山便捷、快速地對接廣州、深圳:1)首先是18號地鐵線,本月初,公佈了廣州地鐵18號線計劃向南延伸到中山,向北延伸到白雲機場。18號線開通後,響中山30分鐘車程就可以去廣州搭飛機。2)其次,仲有去年年底正式開工,預計在2024年建成通車的深中通道,將成為連接珠江東西岸的重要通道,大大便利了深圳與粵西中山江門珠海的經濟流通。
760“澳門互動區”落戶中山,本地青創企業正好抓住中山呢個發展優勢,大展拳腳。而中山企業、青年朋友亦可以藉著“澳門互動區”這個平台到澳門發展,借助 “一中心一平台”的作用,將更有把握成功開拓葡語系國家乃至其他國家的市場。
中山和澳門係一對互補共贏嘅夥伴。
合作加法
共贏乘法
梁司長仲話︰
我地支持“互動區”落戶這裡,就係要大力鼓勵廣大澳門青年一步跨進粵港澳大灣區,加快融入國家發展。
各位澳青,味走雞啦,760“澳門互動區”助你一步跨進中國發展快車列!